Descobritz "Camin de lenga", un film inedit de Sylvain Roux !

Cara e Cara 25 : Jean-Louis Blenet

HD SD

Comentaris

13-06-2017 :: Joan-Lois Blenet, co-president Calandreta

SUS LO TEXTE DE LA FELCO : ONTE JOGAM LA DIVISION ?

Aprèp lo texte pron curiós de la Felco tornam precisar : dins l'entrevista de ÒC TV avem dich (parlavi es qualitat coma co-president de Calandreta) :

1) que la situacion de l'ensenhament de l'occitan es marridassa au segondari e que pel licèu es desastrosa. Es una realitat que dison las chifras ( e encara aquestas chifras son ja un chic vielhas e la situacion mai marrida qu'aquò).
2) que s'aquò contunha es la mòrt programada de la fac. Es pas un acta de deces, es una prevision : es curiós qu'un moviment de professors capite pas de vèire lo condicional emplegat dins una frasa !
Es estat dich tanben que los efectius actuals de la fac son ailàs magrinèls e qu'aquò farà lèu impossible lo recrutament de regents. Es una realitat incontestabla e reconeguda.
3) dich tanben que lo « sistema educatiu » farga pas un jove am un grand nivèl de lenga (C1) al Bac. Es tanben una realitat incontestabla ailàs.
Es pas brica la mesa en question de cap de professor puòi qu'es plan dich qu'es la resulta « del sitema educatiu », e d'autant mai que Calandreta fai evidentament part del « sitema educatiu ». Es una constatacion que val per nautres e i trabalham.
Ont es la division ?
Pas una segonda i a mesa en question dels professors e regents.
Mas de las la politicas de l'Estat e del Ministèri de l'Educacion Nacionala, òc ! Son plan dichs los responsables d'aquesta situacion.
Mantenem las nòstras constatacions de faches ont se trapa pas una sola ataca de las personas emplegadas per l'Estat coma professors d'occitan.
Rementam que tre 2005 avem alertat qu'amb la Lèi Fillon, se res d'important se fasià pas contra, l'ensenhament de l'occitan serià liquidat dins lo segondari.
Es que devem esperar que i aja pas un sol escolan per dire que la situacion es desastrosa ?
Rementam tanben que tre 2005 avem militat per las convencions amb las Regions, convencions mai importantas pel public que non pas per nautres. Qu'aquestas convencions èran refusadas per la Felco amb de letras de denoncia a las Regions, e aquò faguèt cabussar la tentativa de Frêche a l'estieu de 2006. Dau còp las primièiras fuguèron signadas sonque fin de 2009, sià, ailàs, mai de 4 ans après la reforma Fillon : tròp tardièr per aver una plaça e d'autant mai que lo Fillon èra vengut primièr ministre !
L'entrevista marca pas una segonda d'ostilitat cap a ges d'organisme o movement d'ensenhaires d'occitan.
Mas Calandreta denoncia de longa l'organisacion de l'ensenhament de l'occitan per l'Estat e doncas l'organisacion del servici public d'educacion tala coma es dempuèi la creacion de nòstre movement que se faguèt justament en contra de la volontat de liquidar l'ensenhament de l'occitan.
Avem d'ostilitat per çò que si passa ara e que mena a la desbranda dau segondari.
Calandreta contunharà, coma sempre, a militar per l'ensenhament de l'occitan dins lo public, e tanben dins lo privat confessional qu'es encara plan mai pigràs.
Calandreta contunharà tanben, amb sas pauras fòrças, mas capuditge, d'avançar amb de creacions d'escòlas, de collègis, de licèus, per faire viure, au mens sus la talvera que nos daissa la lèi, de flors d'ensenhament de l'occitan.
Avem pas de pretencions, encara mens la d'estre LA solucion. Mas en esperant LA solucion, lo grand ser, fasem tirar, segurs que cada pas que fasem es una avançada generala. Pensam que l'accion a la basa podrà ajudar de faire bolegar enfin seriosament lo » Mamot ».
PRIMUM VIVERE !

01-06-2017 :: Marie Jeanne VERNY, cosecrétaire FELCO

Suite aux attaques violentes portées, à la fin de cet entretien, contre l'enseignement public de l'occitan dans le secondaire et à l'Université, la FELCO, qui fédère les enseignants d'occitan du service public a tenu à réagir per un communiqué intitulé : Il est temps d'arrêter de jouer la division, en ligne sur notre site : http://www.felco-creo.org/enseignement-de-loccitan-il-est-temps-darreter-de-jouer-la-division-communique-de-la-felco/.

Apondre un comentari

Tampar

Apondre un comentari

Desiri m'abonar a la letra d'informacions

Clamenç Pech cara al copresident de la confederacion de la calandreta, Jean-Louis Blenet.

Durada : 24 min 31

Disponibla dusca lo 31/05/2018

Vidèos associadas