Micheu Chapduèlh, una pensada sauvatja

HD SD

Comentaris

03-11-2018 :: marc.khanne

Merci pour cette récolte calme d'un beau témoignage. la pensée sauvage est en fait une grande leçon de sagesse universelle. C'est une pensée qui panse et qui répare. Pan, rituel, retours cycliques des saveurs et des odeur, et même cette idée ( révolutionnaire à bien des égards !) que le début de la fin de la civilisation humaine a commencé avec l'invention de l'agriculture - idée que l'on retrouve chez un autre amateur de nature sauvage, François Couplan - Tout dans ce film vaut la peine que l'on prenne le temps de le voir et de l'écouter aussi dans sa biodiversité linguistique, dans sa musique...

Apondre un comentari

Tampar

Apondre un comentari

Desiri m'abonar a la letra d'informacions

Nascut en 1947 au mai sarrat dau país perigòrd, nuirit dins una familha onte quatre generacions se cobdejavan, Micheu Chapduèlh es, dempei son temps de mainatge, un fin observaire de la vielha civilizacion paisana.

Sa "pensada sauvatja" se fai lo resson d'una vision dau monde, uei dispareguda, que banhava sas raiç dins l'animisme, lo fantastic e lo chamanisme. Dins quilhs temps, los leberons trevavan la nuech negra, las "vielhas" vivián au fons de las servas e las bèstias parlavan la lenga daus òmes. A l'encontrari de tota pensada cartesiana, l'òme alaidonc se pensava pas coma lo mestre de la natura mas viviá en acordança emb lo monde que l'environava, los aubres, las bèstias, las peiras. 

Luenh d'un biais de veire passadista o de quala nostalgia que siá, Micheu Chapduèlh conjuga au present questa "pensada sauvatja" que banha de contunh son òbra abondosa e sa vita jornadiera. Autor d'obratges nombrós, en occitan e en francés, dins daus domenis plan variats - pròsa, poesia, conte, chançon, linguistica, etnobotanica o enquera etnografia - Micheu Chapduèlh viu en comunion emb la natura en respectar lo cicle de la luna e lo ritme de las sasons, en semnar de las varietats e de las enjas vegetalas escartadas deu catalòg oficiau, en participar a daus eschamnhes liures de semens paisans, en cultivar las sabors ancianas de frucha e de legumatge o enquera en se far culhisseire per una frotjada de botareus o una espelida de flors d'acàcia.

A l'agrat daus vironseus daus chamins vesinaus de la pensada e de la memòria, Micheu Chapduèlh nos fai entrar dins sa vision dau monde, enraijada dins una vielha saviesa paisana que se descrueba d'una granda modernitat a l'ora daus desfis ecologics de uei.

Micheu Chapdèulh, una pensada sauvatja es lo cinquau filme documentari en occitan de Patric La Vau.

 

Produccion : Les Nuits Atypiques

Imatges : Joan Francés Hautin & Patric La Vau

Montatge : Ernesto Tinuha

Durada : 58 min 39

Disponibla dusca lo 21/12/2018

Vidèos associadas