CRIDA A PROJÈCTES DOCUMENTARIS

Del 1er de febrièr al 30 d'abril

Lo Contracte d’Objectius e de Mejans (COM) signat entre ÒCtele e la Region Novèla-Aquitània foguèt recondusit pel periòde de 2021 a 2023. Pertòca primièr lo sosten e la valorizacion de la procuccion audiovisuala en lenga occitana. Dins aquel encastre, lo canal nòstre lança una novèla crida per de projèctes de filmes documentaris als autors, realizators e productors interessats per aquela iniciativa qu’a per mira de prepausar als estatjants de la Region Novèla-Aquitània, pel biais de la television regionala de lenga occitana, programas de qualitat. D’un autre costat aquela iniciativa vòl contribuir al desvolopament de la filièra audiovisuala occitana e vòl tanben prepausar als productors e autors una melhora mesa en marcat de lors òbras.