Actualitats
Crida a projèctes documentaris
Deu 9 de seteme au 31 de deceme
ÒCtele a signat amb la Region Novèla-Aquitània Un contracte d’Objectius e de Mejans (COM) pel periòde de 2018 a 2020 que pertòca primièr lo sosten e la valorizacion de la procuccion audiovisuala en lenga occitana. Dins aquel encastre, lo canal nòstre lança una tresena crida per de projèctes de filmes documentaris als autors, realizators e productors interessats per aquela iniciativa qu’a per mira de prepausar als estatjants de la Region Novèla-Aquitània, pel biais de la television regionala de lenga occitana, programas de qualitat. D’un autre costat aquela iniciativa vòl contribuir al desvolopament de la filièra audiovisuala occitana e vòl tanben prepausar als productors e autors una melhora mesa en marcat de lors òbras.
Manejaire d'Aur
Un filme documentari de Patric La Vau
Deu 13 de seteme au 13 de deceme, lo navèth filme documentari de Patric La Vau, de descobrir sus ÒCtele !
Vasuda dens una familha de paisans deu pinhadar de las Lanas de Gasconha, Elena Jòlis creishèt au mitan de l’occitan e deu francés. Enter Paris e Pompunha, son vilatge de neishença en Òlt-e-Garona, Elena nos parla de sos sovenirs de drolleta e de son estacament a l’occitan, nos hèi descobrir son mestèir de dauraira sus libre e son mitan professionau, nos hèi partatjar sos engatjaments e son biais de víver, sòbri e urós.Ua coproduccion Grand Angle & ÒCtele dens l’encastre deu contracte d’objectius e de mejans passat dab la Region Novèla-Aquitània !