Chamin(s) de vita(s) - Nicolas Peuch

• 00:15:44
• 29/06/2023

Un chamin de vita n’es pas tot traçat, podem aver mai d’un mestier, d’una passion, d’un percors o d’un luòc de demorança. Queu documentari bòta en davant quelas gents que crosam tots los jorns, que nos son familieras o non e qu’esconden una vita animada, una vita mauconeguda dau monde e mai de lors quites pròches. Per « Chamins de vitas », totas quelas gents nos laissan dintrar chas elas, dins lor maison e lor intimitat. Nos fan partatjar lors sovenirs. Un questionament sus lor umanitat, lor chamin de vita. Lor biais d’èsser au monde, un biais de far, de pensar e de ressentir las chausas. L’usatge de lor lenga mairala dins nòstres eschamnhes crea de la fisança, de la connivéncia, de la prigondor e de la sinceritat a lor perpaus. La lenga occitana n’es pas una eschapa mas pusleu un ustilh que permés de mostrar a quau punt la nocion de sociabilizacion, de territòri e de raiç son importantas en Perigòrd. Dins queu prumier episòdi, descubriretz Francis Gervaise, originari de Sieurac de Rabairac, nos mena dins un raconte amistós e realista de sa vita aus mila chamins.

Realizat per Nicolas Peuch