Lo collègi de La Coquilha en viatge a Albi

• 00:08:18
• 01/09/2015
• Duscas al 01/09/2016

Los 5, 6 e 7 de mai passats, los escolans de l'opcion occitan del collègi Charles de Gaulle de La Coquille faguèron un viatge pluridisciplinari de tres jorns a Albi, Tolosa e Fijac. Al programa istòria, tecnologias mai actualas, cant e dança, tot aquò en occitan solide.
Lo 5 de mai après-miègjorn a Albi, foguèt lo rencontre amb los collegians del Bellevue d'Albi, amb los quals partejèron teatre, cants e danças, a l'entorn del CPE occitanista Hugues Jourde, del professor d'occitan Maria-Sòfia Bosc e de dos musicians sansonhaire e cabretaire Daniel Frouvielle e Alain Roussel. Visitèron puèi Albi a pè en companhiá de Guillaume Gras, professor d'occitan e d'istòria, e Philippe Sour, encargat de mission lenga e cultura occitana al Conselh departamental de Tarn. Aquel jorn, OCtele èra alprès de Philippe Christophe, organizator de l'eveniment, per realizar un reportatge.